اهلا بيكم
داخل اوضتى القديمة
عنكبوت
شوية صور مرمية
تراب على المكتب
كراكيب
وحشتنى اوى اوضتى القديمة
مدونتى
ادم المهدى
الاوضه اللى ياما لعبت فيها
فكرت
حلمت
حبيت
الاوضه اللى كانت كل حياتى
مش عارف
ليه امبارح جالى الحنين
انى ارجع اكتب فيها
يمكن لان امبارح
حسيت باحساس كنت بحسه زمان بس
يمكن لانى كنت عاوز احس انى لسه مكبرتش
ما بقيتش زى دلواتى
ولكن اوضتى القديمة
هتفضل اوضه الزكريات
هنفضل نجيها كل فترة
ننضفها
و نفرح معاها شويه
لكن فتفضل اوضه الزكريات
و كل اللى فيها زكريات
انا دلواتى فى دنيتى الجديدة
مع الناس الجديدة
فلتكونى لى
مجرد زكرى
حلوة
او
مرة
ولكن ستظلى
زكرياتى البسيطة البريئة
الحالمة
...........
وبس
