السلام عليكم
ياااااااااااااااااااه اخيرا رجعت تانى بعد عواصف الامتحانات ، الحمد لله على كل حال
فعلا وحشنى التدوين جداا
و كمان انتوا ايها المدونون وحشنى جداا
انا عندى كلام كتير عاوز اقوله
وايام المزاكرة كل اما ازهق من المزاكرة اقوم فاتح كشكول التدوين بتاعى و اقوم اكتب موضوع اقول حط الموضوع ده على الدمونة
على فكرة انهارده عيد ميلاد المدونة الاول
ياااه الايام بتعدى بسرعة
فى يوم زى ده برضه دخلت على مدونة عبد الكريم اللى اعتقل و اللى كان بيقول كلام مسىء على الاسلام و و الكلام ده
فقررت اخش عالم التدوين لكلى اوصل صورة مشرقة صحيحة عن الاسلام و المسلمين و دا كان نص اول بوست :
يمكن اول مرة اعرف يعنى ايه مدونات انهاردة و فعلا حسيت بأهميتها جداا و قلت لازم اشارك فيها ولازم يكون ليا دور فى هذا الدرب الذى يصل صوته الى شريحه كبيرة من الناس
و ربنا يتقبل
Adem EL-Mahdy
لكن كتير من أصدقائى سألونى سبب تسميه المدونة آدم المهدى و سبب أيضا تسميه نفسك آدم المهدى :
هو الموضوع فلسفى شويه لكن هاقولكم ،، هو إدم أول واحد خلقه الله عز و جل ، و المهدى هو المنتظر الذى سيأتى آخر الزمان ، فأحببت أن أجمع بين أصالة و قدم آدم و حداثة و تطوير عصر المهدى
لذا أصبحت آدم المهدى
أحب فى عيد ميلاد مدونتى أشكر كل من ساهم فى نشر المدونة سواء بالتعليق أو حتى بتشريفه بكتابه إسم مدونتى على الادرس بار
و أخص بالشكر و أهديها قطعة الجاتوه زات الكريزايه الخضراء الدكتورة عاشقة الاقصى الراعى الرسمى للمدونة
و أيضا سامح صاحب مدونة دمعاتى
و أحمد عبد العزيز صاحب مدونة حائر
و الصباغ
و التوأمان
و دودى سكر
وووووووووووووو
جزاكم الله خيرا على مشاركاتكم و كل عام و المونة إلى الله أقرب و على طاعته أدوم
و إن شاء الله ...فى عامها الثانى ستظهر المدونة بـ New Look جديد
من حيث الشكل و الموضوعات
فى البوست القادم هعرض عليكم خطة المدونة و اخد رأيكوا فيها
معلش عطلتكوا أسيبكوا بقى تاكلوا التورته
بس ياريت قبل ما تكلوا تسموا و تدعوا لاخواننا فى غزة ...
No comments:
Post a Comment