ثقافة الـ Overview

السلام عليكم و رحمه الله و بركاته

بعد استحسان البوست السابق ثقافة الكلاكيع و فعلا فى بعض الناس كلمتنى فيه  و اتناقشنا قلت انى اكمل بعض الثقافات الغائبة عن اذهان الناس و نطرقها عسى ان يستخدمها احد و يستفاد منها و ناخد الاجر و الثواب إن شاء الله

انهارده هتكلم عن ثقافة موجوده بيننا كتير و و هى ثقافة ال

overview

او ثقافة من كل بستان زهرة 

تلاقى و انا كنت فى المشكلة دى لغاية فترة قريبة ، عاجبه مجال يقوم داخل فيه و يجيب من اعلى النت 100 كتاب و اللى يكرمه الرابدشير و التورنت و يبدأ فى اول صفحتين و يالب على كتاب تانى و ياخد اوفرفيو ، و بعدين يلاقى واحد صاحبه قاله دا فيه مجال كذا كذا ...هوب على طول ساحب على مجال تانى 

 انا هحكيلكوا تجربتى 

انا دخلت هندسة من خمس سنين و انا ناوى انى اشتغل برمجة سى شارب و بدأتى اجيب شويه كتب و ايه و بدات اروح لابن عمتى انه يعلمنى و الكلام ده

جه فى اجازة اخر السنة اخت دورة 

Basic business skills

عجبنى الحوار جداا ، فقلت خلاص دا المجال اللى عاوز اكمل فيه

و بعدين جه ابراهيم الفقى يشتهر و كده فقلت اه 

nlp 

هو ده مجال كويس و بدأت اجيب بجى 20 كتاب 

شويه رجعت تانى للبرمجة و اخت كورس برمجه

و لما جيت اشتغل بعد الكورس فى الكلية

اشتغلت 

instructional design

مجال غير الكورس و غير دراستى خالص

و بعدين 

لما اخترت مشورع اشتغل فيه 

بعدت عن السى شارب و دخلت فى
php

مع انى لو كنت ركزت فى مجال واحد كان زمانى فيه جييك

لكن الحمد لله

كله بياخد نصيبه 

و نبدأ نفكر بجد من دلوأتى و نشتغل بفكر تركيزى

يا جماعه 

ركزوا ركزوا ركزوا

ابدؤا اعدوا مع نفسكوا و شوفوا انتوا عاوزين تشتغلوا في ايه بجد و تسالوا ناس متخصصين فى المجالات اللى انتوا محتارين فيها 

ساعتا هتحبوا المجال دهو هتدولوا و هديكوا

اشوفموا بعدين 

مع ثقافة أخرى

ثقافة الكلاكيع

السلام عليكم ورحمه الله و بركاته

لم أكتب منذ فترة طويلة ...لقد أشتقت الكتابة ...ولكن كنت لا استطيع الكتابة ، ربما لان الكتابة حمل ...لان الكتابة شاهده على ما يكتبه صاحبها ...لذا كنت لا أستطبع الكتابة إلا إذا كنت أستحق أن أكتب ...لانى اولا أحترم نفسى ولا اكتب الا ما اطبقه على نفسى اولا ...حتى تصدق التجربة الشعورية لكتاباتى ثانيا احترم الاشخاص الذين يقرئون لى  فيجب على ان اكتب ما ينفعهم حقا

المهم موضوعى اليوم اعتقد انه مس كل شخص منا ...على الاقل مسنى انا ظللت ورائه طويلا ...اعترف اننى عانيت سنين حتى وصلت لهذه النظرية ...المشكلة اللى عانيناها جميعا و مازلنا نعانيها هى مشكلة الكلاكيع

كل واحد منا فى حياته كلكوعة نفسه يتخلص منها ...كلكوعة نفسى انجح فى حياتى ...كلكوعة نفسى ادخل الجنة ...كلكوعة نفسى ربنا يرضى عنى..و على مستويا ت عده من الزوج و الزوجه و المدير و المرئوس و الاخ و اخته  

كلكوعة دى ليست كلمة قبيحة ...لا ...هى دلالة على قالب كبير ننظر له كلما ننظر له بشكله الكبير الضخم 

عندما ننظر الى النجاح الى انه كبير و ضخم و صعب فننادى انفسنا انى نفسى انجح و مش عارف انجح  اكيد مش بنعرف و ان مشينا فى الطرق فبنمل و نزهق من اول خطوة

طيب ايه الحل 

ازاى نتخلص من مشكلة الكلاكيع ديه 

طريقة تعلمتها مؤخرا فى البرمجة و بحثت عنها و قرأت فيها حقيقة وجدت ضالتى فى أن اقضى على ظاهرة الكلاكيع هذه 

هى 

 (Top Down design)

 طريقة التفكير دى ببساطة بتقول لو عندى مشكلة أبدأ ببساطة أقسمها لمشاكل بسيطة و المشاكل البسيطة ابدأ اقسمها لمشاكل ابسط لغاية ما تلاقى ان انت قدامك حاجة تافهه انت ممكن تعملها دلوأتى . بجد طريقة التفكير دى ممكن تسهل علينا حاجات كتير ...هتسهل علينا وقت  و مجهود ...هتسهل لينا اننا هنكون اكثر واقعية و عملية فى توصيف مشكلاتنا ...هتخلينا اشخاص منجزين لان اى حاجة صغيرة بنعملها فهتكون ضمن الخطة الكبيرة اللى احنا عاملنها .

ارجوا ان تجربوا هى الطريقة و تقولولى تجاربكوا فيها 

شكرا ليكم