السلام عليكم و رحمه الله و بركاته
بعد استحسان البوست السابق ثقافة الكلاكيع و فعلا فى بعض الناس كلمتنى فيه و اتناقشنا قلت انى اكمل بعض الثقافات الغائبة عن اذهان الناس و نطرقها عسى ان يستخدمها احد و يستفاد منها و ناخد الاجر و الثواب إن شاء الله
انهارده هتكلم عن ثقافة موجوده بيننا كتير و و هى ثقافة ال
overview
او ثقافة من كل بستان زهرة
تلاقى و انا كنت فى المشكلة دى لغاية فترة قريبة ، عاجبه مجال يقوم داخل فيه و يجيب من اعلى النت 100 كتاب و اللى يكرمه الرابدشير و التورنت و يبدأ فى اول صفحتين و يالب على كتاب تانى و ياخد اوفرفيو ، و بعدين يلاقى واحد صاحبه قاله دا فيه مجال كذا كذا ...هوب على طول ساحب على مجال تانى
انا هحكيلكوا تجربتى
انا دخلت هندسة من خمس سنين و انا ناوى انى اشتغل برمجة سى شارب و بدأتى اجيب شويه كتب و ايه و بدات اروح لابن عمتى انه يعلمنى و الكلام ده
جه فى اجازة اخر السنة اخت دورة
Basic business skills
عجبنى الحوار جداا ، فقلت خلاص دا المجال اللى عاوز اكمل فيه
و بعدين جه ابراهيم الفقى يشتهر و كده فقلت اه
nlp
هو ده مجال كويس و بدأت اجيب بجى 20 كتاب
شويه رجعت تانى للبرمجة و اخت كورس برمجه
و لما جيت اشتغل بعد الكورس فى الكلية
اشتغلت
instructional design
مجال غير الكورس و غير دراستى خالص
و بعدين
لما اخترت مشورع اشتغل فيه
بعدت عن السى شارب و دخلت فى
php
php
مع انى لو كنت ركزت فى مجال واحد كان زمانى فيه جييك
لكن الحمد لله
كله بياخد نصيبه
و نبدأ نفكر بجد من دلوأتى و نشتغل بفكر تركيزى
يا جماعه
ركزوا ركزوا ركزوا
ابدؤا اعدوا مع نفسكوا و شوفوا انتوا عاوزين تشتغلوا في ايه بجد و تسالوا ناس متخصصين فى المجالات اللى انتوا محتارين فيها
ساعتا هتحبوا المجال دهو هتدولوا و هديكوا
اشوفموا بعدين
مع ثقافة أخرى
4 comments:
على فكرة
احسن حاجة هي ثقافة ال اوفر فيو...او من كل بستان زهرة
لازم الواحد يكون عنده فكرة عن كل حاجة
تحياتي
كويس انك تكون عارف حاجة عن كل حاجة ...لأكن يكون عندك مجال انت متخصص فيه
السلام عليكم
اجمل حاجه ان الواحد يعد مع نفسه في الاول ويختار هو بيحب انه طريق ويشوف نفسه في نهايه انه طريق
وبعدين بعد ما يحدد يسمي الله ويمشي فيه ومع العزيمه والاصرار هيوصل
بوست جميل جدا
ولكن ثقافه ال
overview
مش مهم تعنى نكون تكون مش مركز او كده
لكن ممكن تعنى انك بتعلم شئ عن كل شئ وكل شئ عن شئ أعتقد المعنى دا واضح لحضرتك
دا تعليقا على العنوان
لكن ما ذكرته وخصوصا لطلبه الهندسه يمكن لكثره المجالات او لقله الناصحين او لعوامل أنتم أدرى الناس بها يحدث تخبط
فى نظرى مش شئ وحش بل لازم الواحد يتخبط شويه عشان يوصل لأفضل نتائج
وكثيرا بيفيد
يعنى تجاربك اكيد علمتك
ولكن ربما كنت تفضل انك تركز أكتر ودا شئ له فائده
بالنسبه لى
هأقول مثال
دخلنا الكليه مستقبل جميل جدا
أمريكا بتفتح أبوابها لدكاتره العلاج الطبيعى الفرصه للتميز متاحه
أشياء كتيره جميله
اضافه انى كنت أيامها بحب الدراسه الاكاديميه
مع ثقه فى الطريق اللى حبيته
كون لدى من الداخل قناعه بمجالى
ثم جاءت اكتشاف مواهب بداخلى والعمل الاعلامى عموما لا أنكر انهر جذبنى
الاخراج الأفلام الوثائقيه الكتابه الصحافه وشغل الجزيره توك
يمكن تجاربى اللى حققتها فى العمل ده حببتنى اكتر فيه
فى خضم كل ده اتعلمت حاجه من دكتور طارق سويدان هو نفسه عملها وهى تمشى حياتك مراحل
فقررت أمشى حياتى مراحل
الآن أمشى مرحله أنى أخلص دراستى بأقل خسائر ممكنه نظرا لحب الكليه بتاعتنا فى سعادتى
وأبدأ بعدها فى تكملة دراستى
طبعا ممكن تستغربوا لأنى فى ناس بتعتقد انى هأغير المهنه وأدخل العمل الاعلامى بثقل
المهم وفى خلال الخمس سنوات تلك أكون بفضل لله حققت مكاسب أدبيه واحترافيه فى الكتابه ولاننسى نصيبنا فى تربيه عقولنا
وبعدها تتوالى سنوات ومراحل
لأصل فى النهايه انى أكون وصلت لنفسى واشبعت كل قدراتى ان شاء الله
الرغى الكتير ده عشان أوضج الفكره ليس الا
لكن ليس معناها انى أسيب الدنيا كلها واعتكف على المذاكره والمجال
وبس
لازم نتعلم ونحتك ونجرب عشان نوصل
رجاء صغير
اكرمكم الرحمن الموضوع هنا للنقاش فياريت ترد على مداخلات الساده زوار مدونتك والنوت السابق على الفاس بوك من اجل حوار مثمر
Post a Comment