بصوا بقى

مش عارف بكتب البوست ده مش لحد 

انا بكتبة لنفسى 

رغم انى بكتب لنفسى فى كراسة افكارى ...لكن مش عارف قررت انى اكتب هنا 

للناس

مش عارف ليه

ولكن اهى كده و خلاص

المهم انا بوصف نفسى انهارده بحالة ...

بص بقا بلاش ام الفلسفة اللى خنقت بيها ام دماغنا ( اللى بيتكلم ده مش انا ده واحد جوه دماغى تقدروا تقولوا شخصيتى التانيه)ايوه شخصيتى التانية

اصلى عقبال عندكوا انا مذدوج 

طلعت مزدوج 

مش عميل مذدوج 

لا

شخصية مزدوجة

مليون شخصية فى بعض

و إيه

عندها قدرة جامده جداا انها تطلع فى الوقت المناسب

مشفتوش خيبة اكتر من كده

و الا ادهى من كده 

انهى كتير بكون مبسوط بالتناقض او الازدواجية دى

و بعتبرها

مرونة

أصدك مكرونة ( دى شخصية تالتة فى دماغى) هىءءءءء

لا و الغريب بقى ان الشخصيات دى غير متوافقة مع بعض خالص

على العكس دا فيها اختلافات فكرية و دينية متعددة

إشى إخوان و إشى سلفى و إشى يسارى و إشى روش و إشى قليل الادب و و إشى طفل و إكتشف إن فيه جذور منغولية داخلى 

شفتوا الحلاوة 

المهم بقا انى بحاول اللى هو عقلى ان يصلح بين هذه الشخصيات جميعا ...و ساعات بيتظاهروا بالتصالح ...ولكن بيطلعوا بيضحكوا عليا ...و هم مينفعش يتصالحوا 

لان كل واحد فى وادى ...

و حتى لو قلت انهم يقدوا اختلافات بعض و يتعايشوا مع بعض علشان انا عقلى الغلبان يقدر يعيش وسط العوأ دول

معلش كلمة عوأ دى أتعلمتها من شخصيتى الصايعة

بفشل انى اتعايش معاهم او يتعايشوا مع بعض

طب اعمل ايه بس 

فى الدولة اللى جوه دماغى 

معرفش ...بجد حاسس انهم بدؤا يديقونى ...لانهم ببساطة بيتخانقوا انهم يطلعوا فينا و للاسف مينفعش ان واحد بس اللى يطلع فيها ...مينفعش انى اكلم الناس او حتى اعد مع نفسى بشخصيتين

هاااااااااااااااااااااااااااااااااااااهاااااااااااااااااااااااااااااااااهااااااااااااااااااااااااااااااا

شوفتوش هبل زى كده 

ساعات ناس كتير بتحب فيا كده تنوعى ( مهوا مش عارفسن اللى فيها ) المهم بيعتبروا ان ده كده حلو

و ناس بيعتبروها ضعف شخصية 

و ناس بيعتبروها فشل

المهم

بعد كل العك اللى قاعد ابرطمه من الصبح قررت اعمل حاجة قوية جداا

قررت اتجاهل كل هذه الشخصيات

سورى

قررت مدلهمش فرصة التلاعب بدركسيون حياتى

الا اما اقرر

قررت انحى ناس عن العمل و اقولهم

شكرا على خدماتكم معاكى 

انت اوت

و قررت ارقى شخصيات جوايا 

و قررت اخلى ناس حسب الحاجة

قررت اكون انا المتحكم

مش هم

قررت اكون انا

و بس