جاءنا التاج التالى

السلام عليكم و رحمة الله وبركاته

التاج هو وسيلة تدوينية رائعة جداا للتعرف على المدونين و طريقة تفكيرهم و رأيهم فى المواضيع المختلفة

و أصل كلمة تاج

هو أصل برمجى

حيث هذا الرمز

<>

و يستخدم فى لغة ال

html and xml

حيث يحتوى ما بداخل التاج على بيانات يتم تداولها ليسهل التعامل مع هذه البيانات فى حالة النقل

------

و رغم إنى لا احب التحدث عن نفسى كثيرا ،لانى احب البساطة بشكلها النقى و الرائع ، إلا انى احسست بشىء من الضيق فقلت افضفض معاكوا عن نفسى شويه

و احذرا

"إن النفس لأمارة بالسوء"

================

صحيح التاج جالى من عند حسام غانم

جزاه الله خيرا

========================

نبدأ التاج

أسمك؟

أحمد إبراهيم

المشهور يبه وسط أصحابى ؟

هو لقبى و عذرا مش هقدر أقوله لدواعى أمنية

سنى ؟

22 سنة 

أسم المدونة ؟

بص فوق حضرتك و انت تعرف

سبب آدم المهدى؟

أنا قلتها فى تدوينه سابقه

و هو شقى الاسم

آدم و المهدى

آدم أول واحد خلقه ربنا

و المهدى سيأتى آخر الزمان

فحبيت اجمع بين أصاله الماضى و اتصال المستقبل

مجال دراستك؟

هندسة الحاسبات و نظم التحكم

الصورة الرمزية لمدونتك بتعبر عن ايه ؟

صورتى

هل فكرت فى إغلاق المدونة ؟ والسبب ؟

نعم كذا مرة

و السبب ظروف نفسية راحت لحالها

بس انا توقفت فترة عن التدوين لكن قلت لعل كلماتى ينتفع بها أحد فى أى وقت

ايه رد فعلك لو حد قل أدبه عليك في التعليق ؟

على حسب قلة الادب

لو نقد صريح نتناقش

لكن لو شتيمة

هشيلها طبعا ، حفظا على شعور اخوانى الاحباء اللى بيزورونى

أسوأ مدونة ؟

مدونة أحمد منتصر 

حيث كلمته المشهوره 

العلمانية هى أفضل ما توصل إليه العقل البشرى

هيحصل ايه للإيميل بتاعك بعد ما تموت ؟

إن شاء الله المدونة هتكون مفتوحة لعله يستفاد منها فى حياته

لكن الاميل لزمته بريد ليك

انت مش موجود اكيد البريد مش هيبقى له أى قيمة

أديت الباس وورد لحد قبل كده ... ؟

ايوه

و ده ، كنت رايح مرة مسيرة فإدين اميلى لواحد تحسبا لاى تيييت ولا حاجة فيبقى يقول اخبارى فيها

السفر بالنسبة لك ؟

حياتى 

بحب السفر جداا و خصوصا بالليل

دا اللى خلانى اشتغل فى الاجازة اللى فاتت فى فيدكس علشان الف البلاد و اروح حدد مش عارفها 

المود بتاعك ؟

فى اغلب الاحوال حلو

ولكن لما بعمل ذنب او بزعل والدى او والدتىيكون مخنوق و احس ان الدنيا مأفله فى وشى اوى

بتعمل ايه فى وقت فراغك ؟

معنديش وقت فراغ

الأكلة المفضلة ؟

بحب المكرونة بالباشامل جدااا- السلمة المسبكة

و باقى الاكل بحبة

ماعدا

الباميه و الكوسة و الكانبيت

الصفات التى ورثتها من والدك ؟

الطيبة الزائدة - النرفزة السريعة بس الحمدالله بدأت اتخلى عنها - الاسراف فى الفلوس (مش بحب فلوس فى جيبى)وبس

الصفات التى ورثتها عن والدتك ؟

السفر و الاجتماعيات و تطوير الذات

أكتر ست حاجات بتكرهها ؟

1- الفزلكة

2- الانتظار

3- إنكار الحق و دى تشوفها لما تكلمه عن حاجة هو عارف ان هو غلط بس بيآوح علشان ميغلطش نفسه

4- الإهانة

5- الكسل

6- الدلع( طبعا لما يذيد عن حده

أكتر ست حاجات بتحبها ؟

لما اتسأل السؤال ده فكرنى بسيدنا عمرو بن العص لما كان راجع من موقعة ذات السلاسل و سأل الرسول صلى الله عليه و سلم : من احب الناس إليك يارسول الله ( قال عائشة ، قل عمرو ، لا اقصد من النساء من الرجال، قال صلى الله عليه و سلم : أبوها

الحاجات اللى بحبها

1- اخوانى كلهم

2- الكمبيوتر بتاعى

3- اى واحد بيحب دينه و عاوز يدى فيه

4- الكتاب

5- مجموعة الاشبال بتوعى

6- ركعتين فى جوف الليل

لماذا دخلت عالم التدوين ؟

من حوالى سنتين 

كنت دخلت على مدونة كريم اللى هو مسجون بتهمه ازدراء الاديان و قريت انه بيسب و بيغلط فى امهات المؤمنين و افكاره نيلة خالص

فقلت ليه معملش مدونة و ابين فيها فكر الشباب المسلم الوسطى

فعملت المدونة

أجمل كلمة قيلت فى وصف مدونتك ؟

ان المدونة غيرت فى حياتى كتير

أهمية التعليق بالنسبه لك ؟

مهم جداا

بحس ان هو البوست عبارة عن مجرى ميه و التعليقات هى الميه اللى بيتجرى فى المجرى دى

أحسن بوست كتبته وليه ؟ ضع اللينك

تسقط الشماعات

لانه بيعالج موضوع انا شايف ان ناس كتير ماسكاه

وهو الشماعات

تعليق فشل نظام تخلف فقر الخ

لينك البوست

و لحسن الصدف 

ان الموضع كتب فى ابريل 2008

يعنى من سنة تقريبا

أفضل بوست قرأته

ياااه صعب اوى اقولك

بصراحة فى مدونات رائعة جداا بتابعها و مش بتخلف عن زيارتها

زى 

عاشقة الاقصى

إبحار داخل اعماق السكون

بنت خيخة و اى كلام

خواطرى

اصحى يا نايم

من وحى الالم 

و المدونات اللى موجوه فى لسته مدونات صديقة

الإنترنت بالنسبة لك ايه ؟

أكل عيش

تمرر التاج لمين ؟

للى موجودين فى لسته مدونات صديقه

ياااه الحمدلله خلصت

وبس