الاسبوعين اللى فاتوا كانوا فى دورة التربية العسكرية ...و دورة التربية العسكرية دى دورة كل الطلبة الجامعيين بياخدوها المفروض بيتعلموا فيها مبادىء المعلومات العسكرية بالنسبة للجيش او الحروب او ما شابه داه المفروض
لكن الواقع شىء مطمئن ...و الحمد لله
فى البداية بنروح كل يوم الساعة 7 " دا معناه انى اطلع من بيتى 6" يعنى بعد آذان الفجر ، ثم نروح ..علشان عسكرى ربنا يتولاه مش عاوزين نغتاب فى حد ...بعد يتأمر عليك و اللى على لسانه انا بمزاجى ممكن الغى دورة اى حد فيكوا...و يعد يشغلنا صف و انتباه و خطوة تنظيم و دوران يكيم و شمال
وبعدين يروحونا يوم و اليوم التانى ناخد محاضرة ملهاش اى لازمة واحد يعد يدش معانا كلام احمق ما عدا يوم المقدم ادانا محاضرة و قالنا معلومات قيمة عن تسليح الجيش المصرى و ايه التجهيزات الحديثة اللى موجوده فى الجيش بصراحة طمنت الواحد ان فيه حاجة عدله فى البل\ و قال كمان : إن عدةنا الاول فى الجيش هو اسرائيل بغض النظر عن الرأى السياسى لكن الرأى العسكرى له كلام اخر
فى تلك الاثناء كنت بقرا فى العادة الثالثة من العادات السبعة لكوفى " و اللى بتتكلم عن إدرة الوقت
و تصنيف اوقاتنا الى اربع أصناف
هام و عاجل
و هام و غير عاجل
و عاجل و غير هام
و غير هام و غير عاجل
و قعد يشرح ان الاشخاص اللى عايشين فى كل موبع بتكون شخصيتهم ازاى
و ان افضل مربع يعيش فيه حياتك هو المربع التانى
الهام و غير العاجل
لكن ظروف العسكرية كانت بتجبرنى انى اعيش فى المربع الاول كانت حياتى مضغوفة بين حاجات مهمة و هى المزاكرة و عاجلة لانى معنديش وقت ...و كل اما اهرب من الضغط ده اروح للمربع الرابع الغير هام و الغير عاجل
من لعب ملوش اى لازمة او حاجات انا مش عاوز اعملها
بجد العيشه فى المربع الاول ده حياه متعبة جداا و مرهقة
و إن شاء الله بعد الامتحان بتاع بكرة ابدأ اظبط جدولى و اعيش فى المربع التانى
و فى تدوينه لاحقه اتكلم حول ازاى نظبط وقتنا حول الربع التانى
و لمذيد من التفاصيل حول العادة الثالثة
3 comments:
هو الصورة دى فكرتنى بفيلم عبود على الحدود معرفش ليه
صاعقة صاعقة
:)
انا كان دايما ينتابنى سؤال من كتر مابنشوف ضباط جيش فى القطر هى الناس دى فيه عندها شغل وكده ومصر عندها جيش قوى ولا لأ
ولسه مش لاقيه إجابه تقنعنى
شكلهم بيبقى رائع وبيحسسك بالهيبه لكن الله المستعان
اما عن العمل فى ضغط من اسوء انواع الحالات اللى ممكن يمر بيها الإنسان
ربنا يوفقك
منتظرين البوست القادم
go ahead
سبحان الله
لسه كنت بتفرج على خواطر 2 امبارح و الحلقه كانت بتتكلم عن نفس الموضوع بس تقريبا
مهم و غير مستعجل
الله يكون في عونك و عون شباب بكالوريوس كلهم
المرحله الجايه صعبه عليكم لا محاله
مرحلة عنق الزجاجه
:D
Ahmed Elshaf3y
http://www.bagdouri.com/%D8%AF%D8%B1%D9%88%D8%B3/%D8%AE%D9%88%D8%A7%D8%B7%D8%B1-%D8%B4%D8%A7%D8%A8-2/24-%D9%85%D9%87%D9%85-%D8%BA%D9%8A%D8%B1-%D9%85%D8%B3%D8%AA%D8%B9%D8%AC%D9%84
Post a Comment