السلام عليكم و رحمة الله
أحدثكم من داخل المعسكر المغلق للمزاكرة ، بعدنا الله و أياهل عنها يارب
من حوالى ساعة نزلت هربا من المزاكرة لاخذ قسط من البريك و لكى اشترى وجبتى المفضلة (أندومى خضراوات شرقية ) و قلت فى بالى بالمرة أعدى على (م. ر ) صديقى الصيدلى اطبع من عنده ورقتين
و متستغربوش ايه علاقه الصيدلى بالطباعه
المهم
رحتله و سلمنا و جلست امام الكمبيوتر افتح الثندر بيرد و دا برنامج منظم وقت كنت عاوز اطبع نتيجة شهر ديسمبر و يناير علشان احطهم قدامى و انا بزاكر ،
المهم و انا قاعد على الجهاز مسك صديقى الكتور كيس الاندومى
إيه ده أنا كنت بشوف البتاع ده فى السعودية
قلتله دا تحفه يا دكتور
و كمان مشبع و رخيص
دا بجنيه و ربع
قاللى خلاص
و انا مروح هاشترى واحد
و احنا بتكلم
اتصلت بيه زوجته
سلام عليكم
اهلا اهلا بالبيت المسلم
أخبار القائد الصغير إيه نام ولا لسه
عاوزين زبادى و عبش
بصى
هاجبلكوا أندومى و انا جاى
فاكره الاندومى اللى شفناه فى هايبر ماركت
هاجيبه و انا جاى
يلا مع السلامة يا بيت يا مسلم
و بعد ما انتهى من المكالمة
أشار إلى
وقاللى
و انت جايب البتاع ده منين
علشان و انا مروح اجيبلى كيسين
انت عارف لازم ندلع البيت المسلم
قلتله ماشى يا عم ، عقبال ما ندلع البيت المسلم احنا كمان
قاللى انشاء الله
و روحت
و انا ماشى فى الطريق اعدت افكر فى الكلمة
و اتخيل إزاى هدلع البيت المسلم بتاعى
ازاى هنتعامل مع بعض انا و هى
ازاى هنفكر
و ازاى هنبنى مستقبلنا و نحقق هدفنا مع بعض
صديقى هذا كنت اتناقش معه اليوم بعد العشاء بقترة حول حالنا مع الله و كيفية إصلاح حالنا
فقال لى مثلا الاسبوع اللى مش بقرأ قرآن مع زوجتى و نصلى قيام مع بعض و نقرأ و نتدارس الى شىء مع بعض بيبقى أسبوع منيل بستين نيله ، من الهم و العلاقه معها إلخ
و بات يشرح لى معنى السكن و كيف كانت السيدة خديجة سكن لقدوتنا الرسول صلى الله عليه و سلم
عندما تسمع مثل هذه النماذج من حياتنا عن الزيجات الناجحة
و تحدث الناس عنها بأنها ضرب من ضروب الخيال أو الاستثناء
يدخل فى ذهنك أن كل الزيجات عبارة عن بعض العادات تقوم بها كل يوم من شغل بالنهار تيجى تأكل و بعدين تشوف الاولاد او تتفرج على التليفزيون شويه و تنام
و خلاص
=====================
هذا هو مفهوم الزواج عند عامة الناس بمفهومهم الضيق
لكن البيت المسلم او الزوج المسلم
فتجده كله بهجة و حب و رومانسية و عشق
انا قاصد انى اقول الالفاظ دى
لان الناس فاكره ان الحب و العشق و الهيام مش بيعملوها الا الممثلين فى الافلام
و لكن لا
فى رومانسية فى الاسلام
و عشق الزوجة لزوجها
و حب الزوج لزوجته
==========
كم احلم بهذا اليوم
الذى أبنى فيه هذه المملكة
عفوا
نبنى انا و زوجتى مملكتنا سويا
على التقوى و العمل الصالح
و برضه ندلع البيت المسلم
No comments:
Post a Comment