السلام عليكم
كل ما يحدث حولنا ليس له ليس له أى رد فعل إلا أن نحبط
حقيقا
لا أقولها أحساسا مجردا
فالوضع الداخلى و الخارجى أصبح فى حالة حرجة
فما يحدث فى غزة من مجزرة
و رد الفعل العربى المهين
سواء من الحكام أو من الشعوب
بجد يدعوا فعلا للاحباط
موقف الحكوم المصرية المهينة
موقف الشعب اللى مسكوا فى الاخوان ازاى و احنا فى المظاهرة يمشوا و يسبونا دول عملاء للنظام و دول و دول
و موقف السلفيين ازاى نسمع كلام واحدشيعى رافضى و ازاى يشتم فى مصر و مصر دى ام الدنيل
و الله واحد صاحبى انهارده بنتكلم عن القضية
فبيقول " احمد أبو الغيط كان رائع فى كلمته فى أنقرة ، فبقوله نعم إزاى ، بيقولى إدى للكافر حسن نصر الله فى جنابه دا واحد فاهم "
و الله قعدت أضحك
و أبكى فى نفس الوقت
يا جماعة إيه ده
حرام عليكوا
نفسنا نتوحد
و اللى يحرق دمك أكتر الناس اليساريين بجد حاجة تحرق دمك
كنت فى القاهرة أول امبارح بخلص شويه شغل فكنت على موعد مع صحفية لتخليص بعد الاوراق
فأتصلت بها على مدار اليوم فتقولى مرة انا قدام مجلس الشعب و مرة أنا عند نقابة الصحفيين و فى آخر اليوم أتصلت بهل لمقابلتها قالتلى احنا خلصنا الوقفة تعاللنا عند قهوة البورصة
فذهب إلى هناك فوجدت جميع المناضلين بعد أن هتفوا ضد إسرائيل و نادوا بفتح المعبر و و الكلام ده جايين يكملوا سهرتهم على قهوة البورصة و شيشة و حريم و بيرة و الله بيرة
و هزار و ضحك و بقى إيه شتايم و سباب وفى الاخوان و بتوع حماس و سب و تشهير
بجد أو ما شفت المنظر ده قلتلهم
فى صحة غزة
و حتى البيت
دبت بينى و بين ابى شجار عنيف من أجل غزة
لانه يتهمهم بأنهم
كلاب و لا يسووا و يروحوا فى ستين داهية
فثرت
و طبعا لم أتمالك نفسى وقتها
فأتهمنى بالعقوق
و قاللى معدتش تكلمنى تانى
طبعا بعدها أنبت نفسى كثيرا ، أنى كيف أكلم والدى بهذه الطريقة
ولكن هيهات هيهات
و برغم كل ده
ورايا إمتحان يوم الاحد القادم و مادة صعبة
و محتاجة تركيز
و الواحد فعلا مش عارف يركز إطلاقا من الضغط ده كله
أليس الوضع حقا يدعوا للاحباط
بجد ألف مبروك يا إسرائيل
على نصرك التى تحققينه بعجز العرب
ألف مبروك على فرقة العرب و شتيمتهم فى بعض
ألف مبروك لليهود أنه عرفوا يبثوا داخلنا روح الامل و الهزيمة
أستأذنكم الان عسى الله أن يهب لنا من أمله و نصره شىء و نزاكر
و سلام عليكم
No comments:
Post a Comment