السلام عليكم و رحمة الله و بركاته
آسف أنى لم أرد على تعليقاتكم
فقد كنت منتطر حتى أكون وجهه نظر كامله عن الموضوع و السؤال
لكى أعرف الجواب عم هذا السؤال ذهبت لاخذ دورة فى السلوك الادمانى من متخصصين فى مستشفى وادى النطرون لعلاج الادمان
حقيقة الدورة دى فادتنى جداا ، ليس على مستوى السؤال و لكن على مستوايا الحياتى جميعا، لان الدورة دى ببساطة بتجعلك قادر انك تقنع اى شخص و خصوصا المدمن انه ياخد القرار انه يغير وجهه مظره حول قضية معينه
المهم
خلينا فى سؤالنا
هل لسه فاكرينه
هل الشخص المريض مرض نفسى و فعل من الذنوب ما في مرضه هل يعد مذنبا فى فعلته أم لا؟
أجيب من خلال تعليقاتكم التى فعلا فادتنى فى بحثى عن الاجابة
و هذه بعض النقط التى ناقشناها
أحدى التعليقات : المدمن ليس مرضه نفس فقط و ان المدمن مرضه عضوى
الادمان تعريفه :
هو أى سلوك يتحول الى عادة يتحول إلى مرض
فالمخدر سلوك تحول إلى عادة تحول إلى مرض
و الشخص المدمن قبل ما يتناول أول جرعه له فى المخدرات عارف كويس جداا
ان التعاطى ده هيوصله الى الادمان و الى اضرار هو مش قدها
صيحح بيبقى فيها عومل تانية زى الاصحاب و الكلام ده لكن ، هو فى الاول مذنب و نتيجة للذنب ده هيحاسب على الذنب الكبير
زى بالظبط اللى بينظر نظرة حرام و تطورت النظرة الى و العياذ بالله الى الزنا
هل مش هيحاسب على الزنا
وهل لما يدمن النظر و مش عارف يسيطر على نظرة مش هيحاسب على النظرات الادمانية
هيحاسب
الاخ اصحى يا نايم:
جزاكم الله خيرا يا فندم على مقولتك إن الشيطان بيسول لنا و بيديهالنا حجة حتى نقع فى الذنب
فعلا و أنا جربتها
======
اقولكوا موقف مضحك حصلى بعد الدورة بتاع الادمان
:
فى الكورس المدرب أثبتلنا أننا مدمنين إدمان خفى سواء بالجدال او بالعلاقات والانترنت الى آخره
و ادانا صفات الشخصية الادمانية اللى معرضه للادمان اغلبها صفات فينا
الواحد بعد مروح و اعد يفكر
فالشيطان ضحك على الواحد و اثبتله ان هو مدمن و مش قادر ان هو يسيطر على ذنوبه فوقع فيها بحجة انه هو مدمن
و قعد يتصرف مع الناس ان هو مريض نفسى و يجب علشان اكون انسان طبيعى يجب ان اغير البيئة المريضة اللى انا فيها
=======
السيدة المليونيرة اللى بتسرق اول ما سرقت كانت بتدلع و محدش قاللها عيب و تمادت و اصبحت مريضة او مش قادرة تسيطر على
نفسها
و كذلك المدمن
لما كان فى مرحلة التعاطى لو كان حد زجرة كان بطل عن مخدراته و ما أدمنش
علشان كده ربنا وضع عقاب لشارب الخمر
انتوا عارفين ان شرب الخمر أدمان عضوى
مش زى ما يجى فى الافلام
فى ناس أنا شوفتهم مدمنين خمرة
========
فالشاهد
اننا مذنين
و مرضنا هو مرض قلوبنا
=================
و أنا ماشى انهارده كنت بفكر فى حياتى و ليه شايف حياتى معقدة مع أن فى ناس أعرفهم ناجحين و عايشين حياتهم ببساطة و طبيعى جداا
ففكرت و فجأة تذكرت الحديث بتاع
الصحابي الذى قال يا رسول الله قل لي في الإسلام قولا لا أسأل عنه أحداً بعدك فأجاب النبي صلى الله عليه و سلم بقوله (قل آمنت بالله ثم استقم)صدق رسول الله
كأن ربنا خلانى افتكر الحديث ده فى وقتها علشان يقول ىفوق متفكرش كتير اشتغل و انتج
فعلا حياتنا مده أمن بالله ثم استقم
و انشاءالله هنعيش حياتنا أحلى حياة بلا أمراض ولا ذنوب
جزى الله خيرا
حمساوية
على مشاركاتهم
و انشاالله نتواصل فى مواضيع و نقاشات بنائة اخرى
و السلام عليكم
No comments:
Post a Comment