و سلملى على التنمية البشرية

هاتعمل ايه الصيف ده
هاخد دورة تنمية بشرية

هذا البؤ نسمعه كثيرا هذه الايام ، و قد نفرح كثيرا ان اهتماماتنا اصبحت فى تغيير انفسنا الى الافضل و لكن ، يجب ان نوضح هنا بعض المفاهيم حول هذه الكلمة "التنمية البشرية" التى اصبحت تجارة مربحة جداا هذه الاونة

اولا ما معنى تنمية بشرية؟

التنمية البشرية هى ليست مجموعة الدورات فى تطوير الذات(مهارات الاتصال و مهارات ادارة الوقت و مهارة القيادة و و حل المشكلات و اتخاذ القرار و القياده)

هذه المهارات تسمى الـ
Soft Skills
و هى نقطة فى بحر التنمية البشرية
التنمية البشرية هى تنمية الفرد جسديا و صحيا و نفسيا و إداريا و روحيا ، كل دى تسمى تنمية بشرية

اما اللى قصدكوا عليها إللى هى علم الادارة و التسوق و السوفت سكلز دى اسمها الموارد البشرية او
Human Resource
و بكل بساطة و بدون تعقيدات إدارية تعريف الموارد البشرية هى اننا عندى شركة و عاوز اطورها من حيث نظام العمل و الموظفين و الخطط التسويقية و الكلام ده كله .
و لمذيد من التفاصيل زوروا اللينك ده

طيب يبقى محدش يقول بعد كده كلمة تنمية بشرية ، إسمها موارد بشرية

نيجى دلوأتى للاشياء التى بتهتم بيها الموارد البشرية :
1- تطوير الاعمال : زى مثلا انا عندى شركة و حابب انها تمشى صح بيقى اعملها دراسة جدوى مظبوطة و خطة تسويقية مظبوطة و الكلام ده
2- التدريب: و دى بقا الناس مفكراها كل حاجة ، و خدوك فقالوا . ودى فى شغل الموارد البشرية كلام كبير بمعنى ان كل تدريببيختلف عن غيره حسب نوع نشاط الشركة و العمال و كده . يعنى مش اى حد يضحك عليك و يقولك انو هيديك دورة فى القيادة بـ 50 جنيه تفرح و تقول هبقى قائد بـ 50 جنيه.

انا مرة جالى اعلان جامد جداا
بيقول فيه خد دورة
1- الاتصال الفعال مع الناس
2- إدارة الوقت
3- الابداع
4- حل المشكلات و اتخاذ القرار
5- عمل السيرة الذاتية
كل ده بـ 50 جنيه
و مفاجأة الموسم
خد معاهم دورة فى القيادة مجانا
انا بس نحسبها بالمنطق
فى دورة اتصال فى ساعتين

* انا اتزكر انى اخدت دورة و انا فى اعدادى هندسة دورة اتصال و قعدت 3 اسابيع

* و لما كنت فى الشركة اللى كنت شعال فيها كنا خدنا ورشة عمل فى جزء من جزء من عشر اجزاء فى القيادة و قعدت 6 ساعات.

* موقف كمان دا اللى كوميديا جداا

اعرف واحد صاحبى هو فيه اولى اداب علم نفس بعد سنتين صقوط فى تجارة كاتب فى الكارت باعه
مصمم
و مدرب تنمية بشرية
و هو اصلا ميعرفش فيها حاجة هو بس خادله دورتين و قشطة و كله بيعيش

يا جماعة موضوع الدورات دى و من الاخر يا معاك فلوس كتير تاخد دورة محترمة يا ما تاخدش خالص
و انا فى رأيى ماتاخدش

عندك الكتب بتاعت دار جرير ممتازة لو فى مدار الصيف ده جبت كتاب و ليكن العادات السبع بتاع ستيفن كوفى و قرأته
احسن ميت مرة من الدورات الصفرا بتاعت المراكز

اه كماان فى حاجة جامدة جداا افتكرتها
يقولك المركز الدولى المشعارف ايه المتخصص الكبير جداا اللى حاصل على شهادة اي من كندا
و يجيبلك صاحب المركز متصور مع الدكتور ابراهيم الفقى
و الكلام ده
و تلاقى المدرب لما تتكلم معاه ما تلاقيهوش فاهم لا فى الطور ولا فى الطحين.

اخيرا علشان انا طولت عليكوا

الكلام فى النجاح سهل
و لكن العمل للنجاح هو اللى صعب و اللى بينفع العمل و ليس الكلام .
و صدقونى كم واحد بيعرف بتكلم جدااو وواخد دورات بالهبل و الناس كارهاه و اعرف ناس كده والله ، و كم واحد مهاراته محدوده لكن الناس كلها بتحبه و بيعرف ينظم وقته و كل حاجة تمام.

والنت عندكوا مليان ححاجات جميلة دوروا . و هاتلاقوا

و استمتعوا بأجازاتكم بلا نصب .
و سلام عليكم